Rom 12 | GbrGAW | STEP | Ntu cenu mi gyi fye wye fya gafye anayi n Shekwoyi akun, ɓa ze hadaya wye-wyei gyi-gyi-yi nya, odo pya n wo ɓa gwo. Nfya pa oɓo ɓo n wa zhin fye, deye duwyi lo wa nya fye?

Romans 12

Apma Zhin N Shekwoyi Anyaga Yi

1 Ntu cenu mi gyi fye wye fya gafye anayi n Shekwoyi akun, ɓa ze hadaya wye-wyei gyi-gyi-yi nya, odo pya n wo ɓa gwo. Nfya pa oɓo ɓo n wa zhin fye, deye duwyi lo wa nya fye? 2 Fye to shan hali n na kunnu anyi nya yi n, ama fye ku ze aza woi-woi n naɓo nfye ɓa n zhin, nfye nubo zhinyi. Nlonu fye ɓa kpe nfye aɓo-mutu shiwo zokwo ɓa fu fye nubo.

3 Ngye Shekwoyi tnu-tnuyi mi ga zaho-zahoi nfye mi Shekwoyi pmagna: Fye zhin gaiciya n fyehin tukwo ɓo, fyei mwi shi Shekwoyi wa ga fye gaiciya-ga n sun. 4 – 5 Shi agalo n mwa begye n fye nayi n lo nu Kristi nayi. Yi zhin aga nu owo nayi nya, zaho-zahoi n yi mi woi nu kwo ntuge yi n na tnu-tnuyi lo gbo-gbo.

6 Shekwoyi, n gbai ga zaho-zahoi n yi mi nwo ɓa zhin ɓa n bmiya N Shekwoyi n la anabci zhin gba nu ga fye, zhin anabci nsai vinya n ho ɓa mi–n sai vinya, n ho gaiciya ga n kalai lo n ho ɓa gwo tnu-tnu-tnu Shekwoyi aba. 7 Ngye ho nyaga zhin aza bmazhin nyanu, bma ɓa zhin cewo. Ngye ho zhin malami nu wu nya n bmiya. 8 Ngye ho zhin waʼazi zhin yi nu kpe ge eho waʼazi n kalai lo n bmazhin yi dna. N Shekwoyi la gyiwye gaho, bma azaje zhin n cei. N Shekwoyi la aza bwashi tnu-tnu ga ho woi ku azafiho n nakun zhin tnu-tnu n ho kala yi. Aza n Ba zhin abugba zhi-zhi da a tna ɓa zhin kwo n bugba a Kristi yi nya yi.

9 To ye aza n gbeyin, yeɓa cewo. To ye enya n kwo to bmiyan, ye ɓemana ha zhin kwo. 10 Fye ye n na ajei ngye aya-ɓi, fya ga aje mwamwa n bugba buibui. 11 Fye to wo bwato nfye tnu-tnu yin, ama fye zhin Dagayi tnu-tnu n bugba bui, bui.

12 Dagma n tu nyaɓo n Shekwoyi z hin gaho, zhin hakuri n wahalai, ha zhin aduwa ci-ci. 13 Sanu Shekwoyi aɓi gyisan, bma ɓa zhin, zhin ha yi azhiɓei ɓa ɓe nyagyi nho puwa ko kwa nɓa ye agyewan aba n sukwoyi.

14 N oza zhin fye ɓenukwoyi ntuge fye zhin Kristi nya nu, to tu wo eknin, zhin adduwa Shekwoyi wa tuwo anabarka. 15 Sa n na aza dagma ha dagma n ɓai, n ɓa wun bugba ha bma ɓa bugba wun. 16 Fye zhin tnu-tnu n dagma ngnisun. To zhin n gye ho zhin zadnagmayin. To lodna n na aza yakwo aban, ama gnalo n ha sharayi. To ha ci a ɓo n gye ho kpe ɓeho ye lon.

17 To gba ɓenukwoyi ta n ɓenukwoyin. Zhin ɓeho-ɓehoyi cewo, aza kpe ge hoto zhin zakata nun. 18 To wu anya n zaho-zahoi. Bwa bugba buyi n na azai vinya ngye shi ho ɓa mi.

19 Emi anugundo ye-yeyi fyeto gba ɓe ta ga fyehin. Fa kwo ga Shekwoyi ntuge wo ku gna ge wo ɓa gba aza n kwo kunce. Fye to la owa dna n fye akun. (Wato fye to zun owa gnan). 20 Gaho nuwunyi nya gyi mikun ya gun wo, n nuwan mikun wo-wo gawo nuwan wa sin. Ho ye anakna nu kpe wo n tukwo, wato vinyikwo ɓa wo wo n ɓo woku zhin ho nyi. 21 To fya ye ɓenukwoyi kwa gyi ebe tu nfye tukwon, ama fye zun ɓenukwoyi kni dna a ɓemanayi Izhin.